قلوب سودا
لفيت بلاد كتيره وعرفت فيها بشر
فيها اللي قلبه اسود وبالشر عصر
يسقي العباد المر وبالحلو حصر
وقلوب كتير مريضه ووباءها انتشر
ربي يصونا منها وينجي البشر
*****************
مشيت علي شط الحياه لقيت قلوب سوده
لابسه جلد التعالب بتوعظنا بالتوبه
وكل مره تلون جلدها نوبا ورا نوبا
حربايه علي كل لون وعنيها معصوبه
يارب تتوب عليها وتحرمها م العيبه
***************
يابت يلي لابسه توب السواد
لابسه توب الشر توب الحداد
والشر فيكِ بقلبك لكل العباد
كام قناع مدفون تحت الرماد
بسم سم كلامك وشهد السهاد
لسه بتبخيه يا حيه رغم البعاد
****************
يابت يلي سواد الليل بلون قلبك
والخير ما يعرف سكتك ولا قابلك
والخبث عشش هنا سكن عقلك
مرض وانتشر وكان عقاب ربك
اللهي يشفيكِ منه حتي لو عاقبك
**************
لبستي توب الشر واللبس ده توبك
وعامله فيها بريئه وبداري هنا عيوبك
والشر منكِ وفيكِ زرعاه في جيوبك
بتأذي بيه الناس توبي بئا وسيبك
يمكن يسامحك ربي ويمحي فذنوبك
*************
امتي يابت تتجهي بئا لربك
وتغسلي قلبك وتوبي من ذنبك
الشر فيكِ مرض ولا ده طبعك
طبع الخبيث وليه انا اعاتبك
وربي وحده ع الشر ده يحاسبك
الأحد يوليو 10, 2011 1:24 pm
